في جزيرتي الصغيرة ..!!

أخذتني وسائل التواصل الاجتماعي عن

 جزيرتي الصغيرة؛ مدونتي !

في جزيرتي الصغيرة .. كتبت فيها ؛ 

بحماس الشجعان !

وبشوق الغريب عن الاوطان !

وبدموع الحنين للخلان !

وبلهفة المشتاق للجنان !

وحالي ...

 رجعنا بعد طول غياب ..

 رجعنا بس رجعنا أغراب !

ندور في ليالي الأمس عن..
الشوق إللي راح وذاب !

تَّغير كل شيـئ فينـا 
وماتـت كـل أمانينـا ..

وضاع الشاطيئ والمينا 
مع غدر وأمـل كـذاب !

 هيا الحياه فيها جديد ؟

أحاول أبحث بين طيات الزمن 

عن الكلمات ..!! 

وحاولت اتذكر كيف كانت الأيام 

جميلة ..! بكل مافيها من تعب وحرمان !!

صحيح .. كسرت بداخلي أشياء تعيش الماضي 

اللي فات  !!

وتعلمت أحبس الدمعة وادور للبكاء أوقات 

واكون بعيد في حالي تنزل كل دمعاتي !!

اساطير الوفاء كانت في الماضي وهي حكايات 

كبرت وصرت اكذبها !!

انا مابي بهالدنيا بعد هالمرحلة رغبات 

عسى الله يكفيني هوى نفسي وغلطاتي !!

في جزيرتي حاولت ان امزج بين كلمات 

حب قديم .. اصبح نادر في زمان الضياع !!